Hólmar Örn semur við Keflavík

Hólmar Örn Rúnarsson hefur samið við Keflavík í knattspyrnu, þetta kemur fram á heimasíðu félagsins. Hólmar hefur verið einn af lykilleikmönnum liðsins í mörg ár og á yfir 200 leiki með félaginu ásamt því að hann hefur spilað tólf tímabil með Keflavík á sínum ferli.

Hólmar var meðal annars valinn í lið ársins í Inkasso- deildinni hjá fotbolti.net eftir tímabilið en hann kom til baka síðasta sumar eftir krossbandsslit.