Hetjunar hylltar í Holtaskóla

Nemendur Holtaskóla hylltu í morgun hetjurnar sínar sem fögnuðu glæsilegum sigri í Skólahreysti í síðustu viku. Verðlaunaathafnir sem þessar eru nánast orðnar árviss viðburður í Holtaskóla enda hefur skólinn sigrað í keppninni fimm sinnum á síðustu sex árum, en árið sem ekki vannst sigur hafnaði Holtaskóli í öðru sæti.

Sigurvegararnir voru leystir út með verðlaunum frá Reykjanesbæ og Lífstíl auk þess sem enn ein risa ávísunin var afhend. Það fer að vanta veggpláss fyrir þessar ávísanir sem fylla orðið veggina á sal skólans.

Liðið ásamt þjálfurum með bikaraflóðið.

„Hverjir eru bestir? Holtaskóli!“