Helgi kláraði Njarðvík með draumakörfu

Helgi Már Magnússon reyndist hetja KR í kvöld þegar Íslandsmeistararnir tóku á móti Njarðvíkingum í DHL-Höllinni í Iceland Express deild karla. Lokatölur leiksins voru 82-81 KR í vil. Þegar sjö sekúndur voru til leiksloka áttu KR-ingar innkast á miðjum leikvellinum og staðan 79-81 Njarðvík í vil.

 

Brynjar Þór Björnsson brunaði þá upp á hægri kantinn, óð inn endalínuna og fann Helga Már í vinstra horninu. Helgi tók hátt regnbogaskot og um leið braut Charleston Long á honum og leiktíminn rann út. Boltinn virtist vera óratíma í loftinu en hann snerti ekkert nema net á niðurleið og KR-ingar fögnuðu vel og innilega þessum draumasigri gegn Njarðvík.

 

Þá burstaði Keflavík ÍR í Sláturhúsinu 110-79 og hafa þeir styrkt sig enn betur á toppi deildarinnar og eru þeir að leika fantavel um þessar mundir.

 

Grindavík landaði svo góðum útisigri á Sauðárkróki gegn Tindastól, 78-90.

 

Nánar verður greint frá leik Keflavíkur og ÍR síðar í kvöld.

 

Staðan í deildinni

 

VF-Mynd/ [email protected] – KR-ingar fagna sigrinum vel á nýja parketinu sínu.