Helgi Jónas tekur við Grindavík - Páll Axel og Helga best
Helgi Jónas Guðfinnsson hefur verið ráðinn næsti þjálfari karlaliðs Grindvíkinga í körfubolta. Þetta staðfesti Magnús Andri Hjaltason formaður kkd. UMFG á lokahófi þeirra Grindvíkinga í gærkvöldi.
Samningurinn við Helga er til þriggja ára en hann tekur við af Friðriki Ragnarssyni. Helgi Jónas lagði skóna endanlega á hilluna fyrir ári en hann hefur leikið nánast allan sinn feril með Grindavík og var einn besti körfuboltamaður landsins.
Helgi Jónas hefur menntað sig í þjálfarafræðum undanfarin misseri og fær nú það verðuga verkefni að stýra meistaraflokknum.
Páll Axel Vilbergsson og Helga Hallgrímsdóttir voru valdir leikmenn ársins í karla- og kvennaliðum félagsins. Hjá körflunum var Þorleifur Ólafsson valinn besti varnarmaðurinn og Ólafur Ólafsson efnilegasti. Hjá kvenfólkinu var Sandra Grétarsdóttir valin efnilegust og Petrúnella Skúladóttir besti leikmaður UMFG í úrslitakeppninni.
