Helena og María með stelpubúðir

Helgina 20.-22. júní munu körfuknattleikskonurnar Helena Sverrisdóttir og María Ben Erlingsdóttir standa fyrir körfuboltabúðum fyrir stelpur á aldrinum 10-15 ára að Ásvöllum í Hafnarfirði.

 

Búðirnar verða í amerískum stíl, hefjast á föstudegi og standa fram á sunnudag. Á dagskránni verður kvöldvaka, heimsókn góðra gesta, sundferð, grillveisla og að sjálfsögðu nóg af körfubolta. Verðið í búðirnar er 9.500 krónur þar sem matur og gisting eru innifalin. Allir þátttakendur fá bol merktan búðunum. Skráning fer fram á [email protected]

 

Nánari upplýsingar í síma 661 2331(Helena).