Heiða með Team Iceland til Kýpur

Staffan Johanson landsliðsþjálfari í golfi hefur valið níu leikmenn til að spila á Cyprus Ladies og Cyprus Men´s open. Spilað verður á Secret Valley GC. Stelpurnar byrja þann 15. april og strákarnir þann 18. Mótið er ekki talið meðal sterkustu móta í Evrópu og gefur okkar leikmönnum tækifæri á að spila til verðlauna. Kylfingurinn Heiða Guðnadóttir frá Golfklúbbi Suðurnesja er í hópnum.

 

Miklir hitar og þurkar hafa verið á Kýpur undanfarnar vikurnar og vatn af skornum skammti. Það hefur haft áhrif á vökvun vallanna. Það má því búast við hörðum og hröðum velli á Kýpur og spennandi að sjá hvernig okkar fólki gengur að eiga við þær aðstæður.

 

 

Andri Már Óskarsson GHR

Axel Bóasson GK

Björn Guðmundsson GA

Guðjón Henning Hilmarsson GKG

Rúnar Arnórsson GK

 

Eygló Myrra Óskarsdóttir GKG

Ragna Björk Ólafsdóttir GK

Valdís Þóra Jónsdóttir GL

 

Mynd: www.kylfingur.is – Heiða Guðnadóttir hefur leik ytra þann 15.apríl næstkomandi.