Hefna Njarðvíkingar í kvöld?
Stórviðureignir fara fram í Intersport-deildinni í kvöld, í Grindavík taka heimamenn á móti Keflvíkingum kl. 19:15 en þegar liðin öttu síðast kappi í deildinni höfðu Keflvíkingar betur 84-73 þar sem Nick Bradford setti 26 stig og tók 12 fráköst.
Njarðvík og Snæfell mætast í Hólminum í kvöld og hefst sá leikur einnig kl. 19:15 en Snæfellingar stöðvuðu einmitt sex leikja sigurgöngu Njarðvíkinga í byrjun tímabils og það í Ljónagryfjunni. Einar Árni og hans menn fara væntanlega fram á hefndir í kvöld.
Aðrir leikir í deildinni í kvöld eru þessir:
Skallagrímur-Fjölnir, 19:15.
Hamar/Selfoss-Tindastóll, 19:15.
KR-Haukar, 19:15
ÍR-KFÍ, 19:15.
