Gunnar Einarsson og Erla Þorsteinsdóttir best

Gunnar Einarsson og Erla Þorsteinsdóttir voru valin bestu leikmenn Keflavíkur 2002 í gær á lokahófi körfuknattleiksdeildarinnar sem haldið var á 2. hæð Glóðarinnar. Einnig var valið úrvalslið Keflavíkur sem var skipað leikmönnum úr karla-og kvennaliðinu. Í því voru Erla Þorsteinsdóttir, Birna Valgarðsdóttir, Gunnar Einarsson, Magnús Þór Gunnarsson og Guðjón Skúlason.
Jón N. Hafsteinsson var valinn besti varnarmaðurinn í karlaliðinu, Davíð Þór Jónsson fékk verðlaun fyrir mestu framfarir og Halldór Halldórsson var valinn besti nýliðinn.
Hjá stelpunum var Ingibjörg Lára Gunnarsdóttir með mestu framfarir og Birna Valgarðsdóttir besti varnarmaðurinn.
Skemmtileg verðlaun voru svo veitt fyrir þá leikmenn sem voru með bestu mætinguna í sjúkraþjálfun og fengu þau sjúkratösku að gjöf en það voru þau Jón N. Hafsteinsson og María Anna Guðmundsdóttir.