Guðmundur skoraði eftir 3 mínútur

 

Guðmundur Steinarsson stimplaði sig inn á þriðju mínútu þegar hann skoraði mark FS Vaduz í leik gegn Aarau í svissnesku deildinni í dag. Leiknum lauk 1-1 en gestirnir jöfnuðu í síðari hálfleik.

 

Guðmundur lék fyrstu 80. mínútur leiksins en honum var skipt út fyrir Stefán Þórðarson. FS Vaduz er í 8. sæti deildarinnar með 15 stig. Þetta var fyrsti leikur Guðmundar fyrir FS Vaduz.