GRV vann, Víðismenn töpuðu

Kvennalið GRV, sameinað lið Grindavíkur, Reynis og Víðis, vann stórsigur á Haukum í 1. deild kvenna í dag, 5-1.

 

Eftir sigurinn er GRV í þriðja sæti riðilsins, þó með jafn mörg stig og ÍBV sem er í öðru sæti með betri markahlutfall.

 

Þá biðu Víðismenn sinn fyrsta ósigur í 2. deild karla í sumar þegar þeir lutu í gras fyrir Magna á Grenivík, 3-1. Þeir eru enn í 3. sæti 2. deildarinnar.

 

Atli Hólmbergsson skoraði mark Víðis og kom þeim yfir á 53. mínútu, en heimamenn voru sterkari á lokasprettinum og gerðu 3 mörk.

 

Björn Bergmann Vilhjálmsson, framherji Víðis, fékk að líta rauða spjaldið á 77. mínútu leiksins.