Grindvíkingar vaða í Stólana
Frumlegar auglýsingar Grindavíkurkvenna
Kvennalið Grindavíkur í fótbolta heldur uppteknum hætti frá því í fyrra, með því að útbúa skemmtilegar auglýsingar fyrir heimaleiki sína í 1. deild. Að þessu sinni fá þær Tindastól í heimsókn en leikurinn fer fram í kvöld á Grindavíkurvelli. Stúlkurnar létu sig hafa það að skella sér í sjóinn fyrir myndatökuna að þessu sinni en undirskrift myndarinnar er „Vöðum í þær.“ Grindvíkingar vöktu athygli fyrir auglýsingar sínar í fyrra en margar þeirra voru einkar frumlegar og hnyttnar en nokkrar þeirra má sjá hér að neðan.
