Grindvíkingar mæta Víkingum

Dregið var í 8 liða úrslitum bikarkeppni KSÍ í hádeginu en Grindvíkingar voru einir Suðurnesjaliða eftir í pottinum. Grindavík mætir 1. deildarliði Víkings Reykjavík sem er þessa stundina í 9. sæti 1. deildar. Leikur liðanna fer fram í Víkinni 8. eða 9. júlí.

Grindvíkingar unnu KA menn í 16 liða úrslitum í blálokin en Víkingar gerðu sér lítið fyrir og lögðu Fylkismenn.