Grindvíkingar mæta ÍA í æfingaleik í kvöld
Grindavík mætir ÍA í æfingaleik í meistaraflokki karla í knattspyrnu í kvöld kl. 18:30 á gamla aðalvellinum í Grindavík. Þetta verður síðasti æfingaleikur Grindavíkur fyrir Pepsideildina sem hefst eftir viku en þá sækir Grindavík lið Fylkis heim mánudaginn 2. maí kl. 19:15.
Nokkuð er um meiðsli í herbúðum Grindavíkur en Óskar Pétursson markvörður, Paul McShane og Óli Baldur Bjarnason meiddust allir á æfingum um helgina og verða tæpir fyrir fyrsta leik.
