Grindvíkingar langt frá sigri í kvöld
-Embla Kristínardóttir ekki í hóp vegna landsliðsins
Grindvíkingar heimsóttu KR-inga í kvöld í 1. deild kvenna í körfubolta. Grindvíkingar þurftu að játa sig sigraða en lokatölur leiksins voru 92-57.
Stigahæst í liði Grindavíkur var þjálfarinn og leikmaðurinn Angela Rodriquez en hún var með 31 stig af 57 stigum liðsins og 6 fráköst. Natalía Jenný Lucic Jónsdóttir var svo með 8 stig og Ólöf Rún Óladóttir með 8 stig og 4 fráköst.
Embla Kristínardóttir lék ekki með liðinu í kvöld sökum landsliðsæfinga, en íslenska kvennalandsliðið í körfubolta mætir Svartfjallalandi í undankeppni EuroBasket á Laugardalsvelli næstkomandi laugardag.
Tap Grindvíkinga var það annað í röð en þann 12. nóvember næstkomandi mætir Hamar til leiks til Grindavík.
