Grindvíkingar komnir áfram

Grindavík er komið áfram í 4-liða úrslit Intersport-deildarinnar í körfuknattleik eftir öruggan sigur á Hamri í kvöld. Heimamenn tóku völdin á vellinum strax í byrjun og litu aldrei til baka. Lokatölur voru 97-73 Grindvíkingum í hag en þeir leiddu með 12 stigum í hálfleik, 55:43.Annað kvöld fæst úr því skorið hvaða tvö lið til viðbótar leika í undanúrslitum, þá mætast Keflavík og ÍR annars vegar og Haukar og Tindastóll hins vegar í oddaleikjum í Keflavík og í Hafnarfirði.