Grindvíkingar í mótvindi

Grindavík er mótvindi þessa dagana og hefur ekki unnið leik í síðustu sjö umferðum Lengjudeildar karla í knattspyrnu. Grindavík lék gegn Fjölni á útivelli síðasta miðvikudag og tapaði 2:1.

Grindvíkingar léku manni færri síðustu sjötíu mínúturnar eftir að Marínó Axel Helgasyni var sýnt rauða spjaldið.  Eftir markalausan fyrri hálfleik voru það Grindvíkingar sem skoruðu fyrsta markið eftir að hafa fengið dæmda vítaspyrnu og Sigurður Bjartur Hallsson fór á punktinn og skoraði tólfta mark sitt í deildinni í sumar (62').

Það tók Fjölnismenn aðeins fimm mínútur að jafna leikinn (67') og á 72. mínútu skoruðu þeir sigurmark sitt.

Grindavík situr nú um miðja deild, er með tuttugu stig eftir fjórtán leiki, og eru sem fyrr sex stigum frá Eyjamönnum sem eru í öðru sæti og eiga leik til góða.