Grindvíkingar hugsanlega að bæta við sig erlendum leikmanni

Svo virðist sem að Grindvíkingar séu að bæta við sig þriðja erlenda leikmanninum í Iceland Epress-deild karla í körfubolta. Leikmaðurinn sem um ræðir er Ryan Pettinella en hann lék með Grindvíkingum á síðustu leiktíð. Pettinella er bandaríkjamaður sem leikur í stöðu miðherja eða framherja en kappinn er 2.06 m á hæð og rúmlega 100 kg af vöðvum.

Vitað er til þess að leikmaðurinn er staddur hér á landi og heyrst hefur að hann muni ganga til liðs við Grindvíkinga á næstu dögum.