Grindvíkingar enn í fallsæti
Eftir 1-1 jafntefli fyrir vestan
Grindvíkingar sóttu stig vestur í gær, þegar liðið sótti BÍ/Bolungarvík heim í 1. deild karla í knattspyrnu. Lokatölur leiksins urðu 1-1 en það var Daníel Leó Grétarsson sem skoraði mark Grindvíkinga í leiknum.
Varnarmaðurinn ungi kom Grindvíkingum yfir á 21. mínútu en heimamenn jöfnuðu um miðjan síðari hálfleik. Eftir leikinn eru Grindvíkingar ennþá í fallsæti, með fimm stig eftir sjö leiki.
