Grindavík vann - jafnt hjá Keflavík
Grindvíkingar unnu 3-2 sigur á Haukum á meðan grannar þeirra úr Keflavík gerðu 1-1 jafntefli gegn HK í fyrstu umferð 1. deildarinnar í fótbolta sem fram fór í gær.
Markaskorarar hjá Grindavík voru þeir Alexander Veigar Þórarinsson, Hákon Ívar Ólafsson og Gunnar Þorsteinsson en Grindvíkingar léku á heimavelli að þessu sinni.
Mark Keflvíkinga skoraði Sigurbergur Elísson tíu mínútum fyrir leikslok eftir að HK hafði náð forystu en leikurinn fór fram í Kórnum í Kópavogi.
