Grindavík tapaði gegn Haukum

Grindavík heimsótti Hauka á Ásvöllum í kvöld í Domino´s deild karla í körfu. Leikurinn endaði með sigri Hauka og urðu lokatölur leiksins 90-78, með tólf stiga tapi Grindavíkur. Grindavík er sem stendur í sjöunda sæti Domino´s deildarinnar eftir umferð kvöldsins.

Stigahæstu leikmenn Grindavíkur voru Dagur Kár Jónsson með 20 stig, 4 fráköst og 8 stoðsendingar, J'Nathan Bullock með 16 stig, 7 fráköst og 5 stoðsendingar, Sigurður Gunnar Þorsteinsson með 16 stig og 14 fráköst og Ólafur Ólafsson með 10 stig.