Grindavík og Keflavík leika heima í kvöld

Tveir leikir fara fram í Iceland Express deild kvenna í kvöld. Báðir hefjast þeir kl. 19:15.

Í Röstinni taka Grindavíkurkonur á móti Breiðablik en Grindavík er í 2. sæti deildarinnar með 16 stig, 4 stigum á eftir toppliði Hauka en Grindavík á leikinn í kvöld til góða og geta því minnkað forystu Hauka niður í 2 stig með sigri í kvöld.

Í Sláturhúsinu að Sunnubraut taka Íslandsmeistarar Keflavíkur á móti botnliði KR og verður eitthvað stórkostlegt að gerast ætli vesturbæjarkonur að næla sér í stig hjá Íslandsmeisturunum.