Grindavík með góðan sigur gegn Keflavík
- Pálína skoraði 20 stig en Keflvíkingar söknuðu Carmen Tyson-Thomas
Grindavík styrkti stöðu sína í baráttunni um efstu sætin í Dominos deild kvenna í körfuknattleik með góðum sigri gegn Keflavík í Röstinni í kvöld. Lokatölur 67-58. Pálína Gunnlaugsdóttir var stigahæst í liði Grindavíkur með 20 stig og Kristina King skoraði 12 og tók 8 fráköst. Sara Rún Hinriksdóttir skoraði 12 stig og tók 10 fráköst í liði Keflavíkur. Carmen Tyson-Thomas lék ekki með liði Keflavíkur vegna rifbreinsbrots og Ingunn Embla Kristínardóttir var ekki með vegna leikbanns.
Íslandsmeistaralið Snæfells sigraði Hamar örugglega á útivelli 40-64 og er í efsta sæti deildarinnar með 36 stig. Keflavík er í öðru sæti með 32 stig og Grindavík er í þriðja sæti með 26 stig. Valur vann góðan sigur á Haukum með minnsta mun í kvöld en Haukar eru með 24 stig og Valur er með 22 stig.
Úrslit kvöldsins voru þessi:
Breiðablik-KR 70-61
Hamar-Snæfell 40-64
Haukar – Valur 61-62
Grindavík-Keflavík 67-58 (13-11, 18-18, 26-16, 10-13)
Grindavík: Pálína Gunnlaugsdóttir 20, Kristina King 12/8 fráköst, Petrúnella Skúladóttir 11/10 fráköst, María Ben Erlingsdóttir 10/5 fráköst, Guðlaug Björt Júlíusdóttir 10/4 fráköst/5 stoðsendingar, Lilja Ósk Sigmarsdóttir 2/6 fráköst, Ingibjörg Jakobsdóttir 2.
Keflavík: Sara Rún Hinriksdóttir 12/10 fráköst/3 varin skot, Bryndís Guðmundsdóttir 11/7 fráköst, Sandra Lind Þrastardóttir 10/6 fráköst, Hallveig Jónsdóttir 7, Marín Laufey Davíðsdóttir 6, Bríet Sif Hinriksdóttir 6, Thelma Dís Ágústsdóttir 4/5 fráköst, Emelía Ósk Gunnarsdóttir 2.
Staða:
1. Snæfell 20 18 2 1533 - 1244 36
2. Keflavík 20 16 4 1703 - 1280 32
3. Grindavík 20 13 7 1455 - 1406 26
4. Haukar 20 12 8 1387 - 1317 24
5. Valur 20 11 9 1495 - 1424 22
6. Hamar 20 5 15 1082 - 1461 10
7. KR 20 3 17 1201 - 1441 6
8. Breiðablik 20 2 18 1228 - 1511 4
Næstu leikir::
14.02. KR-Haukar.
14.02. Snæfell-Breiðablik.
14.02. Keflavík-Hamar.
14.02. Valur-Grindavík.
