Grindavík mætir ÍS

Í kvöld kl. 19:15 taka Grindavíkurkonur á móti ÍS í IE – deild kvenna í körfuknattleiks. Leikurinn, sem fer fram í Röstinni, ætti að verða nokkuð forvitnilegur þar sem Stúdínur tefla fram þreföldum háskólameistara frá Bandaríkjunum að nafni Maria Conlon en hún kom til landsins í gærmorgun og mun leika með ÍS það sem eftir lifir tímabils.

Önnur viðureign í IE – deild kvenna fer fram í kvöld þegar botnlið KR tekur á móti toppliði Hauka en sigur hjá Grindavík í kvöld er mikilvægur til að tryggja að Haukar nái ekki of miklu forskoti enda má fastlega gera ráð fyrir því að Haukar sigri KR í kvöld.