Grindavík hafði betur í grannslagnum

Njarðvík og Grindavík áttust við í gærkvöld í grannaslag í Ljónagryfjunni í Njarðvík. Grindvíkingar unnu að lokum góðan sigur, 84-96, en leikurinn var framan af mjög jafn og spennandi. Grindvíkingar leiddu með fimm stigum í hálfleik og náðu að lokum að innbyrða 12 stiga sigur.

Samuel Zeglinski var atkvæðamestur með 30 stig og Aaron Broussard kom með 17 stig líkt og Sigurður Þorsteinsson. Hjá Njarðvík skoraði Nigel Moore 21 stig og næstur kom Elvar Már Friðriksson með 18 stig.

Keflavík tók á móti KFÍ í Toyotahöllinni og vann sigur 111-102. KFÍ hefur verið á miklu skriði að undanförnu og stóðu verulega í heimamönnum í gærkvöldi. Michael Craion átti góðan leik og skoraði 32 stig auk þess að taka 15 fráköst. Valur Orri Valsson kom næstur með 26 stig.

Njarðvík-Grindavík 84-96 (21-22, 19-23, 26-30, 18-21)
Njarðvík: Nigel Moore 21/7 fráköst/10 stoðsendingar/7 stolnir, Elvar Már Friðriksson 18/6 fráköst/6 stoðsendingar, Hjörtur Hrafn Einarsson 10, Ólafur Helgi Jónsson 9/5 fráköst, Maciej Stanislav Baginski 8/5 fráköst, Marcus Van 7/13 fráköst, Ágúst Orrason 4, Óli Ragnar Alexandersson 3, Friðrik E. Stefánsson 2/4 fráköst, Oddur Birnir Pétursson 2.

Grindavík: Samuel Zeglinski 30/6 fráköst/7 stoðsendingar/5 stolnir, Aaron Broussard 17/10 fráköst, Sigurður Gunnar Þorsteinsson 17/7 fráköst, Þorleifur Ólafsson 16/8 fráköst, Jóhann Árni Ólafsson 15/6 fráköst, Ryan Pettinella 1.

Keflavík-KFÍ 111-102 (24-29, 31-14, 30-27, 26-32)
Keflavík: Michael Craion 32/15 fráköst/6 varin skot, Valur Orri Valsson 26/8 fráköst/8 stoðsendingar, Billy Baptist 20/9 fráköst/3 varin skot, Darrel Keith Lewis 13/8 fráköst/6 stoðsendingar, Snorri Hrafnkelsson 9/4 fráköst, Magnús Þór Gunnarsson 8, Ragnar Gerald Albertsson 3.

Staðan í Dominos-deild karla:
1       Grindavík       15      12      3       1458    -       1314    24
2       Snæfell 15      11      4       1469    -       1319    22
3       Þór Þ.  14      10      4       1289    -       1168    20
4       Keflavík        15      10      5       1383    -       1329    20
5       Stjarnan        14      9       5       1317    -       1237    18
6       KR      15      8       7       1306    -       1301    16
7       Njarðvík        15      6       9       1306    -       1301    12
8       Skallagrímur    15      6       9       1237    -       1313    12
9       KFÍ     15      5       10      1318    -       1468    10
10      Fjölnir 14      4       10      1152    -       1282    8
11      ÍR      15      4       11      1260    -       1356    8
12      Tindastóll      14      3       11      1117    -       1224    6