Grindavík á toppnum
- Sóttu þrjú stig austur
Grindavíkurkonur héldu í keppnisferðalag um Austurland þar sem þær mættu Fjarðabyggð og Hetti í 1.deild kvenna í knattspyrnu.
Fyrri leikurinn fór fram á sunnudag á Norðfjarðarvelli og endaði með þriggja marka sigri Grindvíkinga, 4-1. Það voru þær Ingibjörg Yrsa Ellertsdóttir og Dernelle Mascall sem skoruðu tvö mörk hvor, áður en Sigrún Hilmarsdóttir minnkaði muninn fyrir Fjarðabyggð. Markalaust var í hálfleik og var það ekki fyrr en á 59. mínútu sem fyrsta mark leiksins leit dagsins ljós.
Í gær töpuðu Grindvíkingar svo gegn Hetti á Egilsstöðum 3-1. Þar skoraði Ingibjörg Yrsa mark Grindvíkinga. Eftir leikina eru Grindvíkingar enn á toppi 1. deildar B með 26 stig eftir 11 leiki. Næsta lið er þremur stigum frá Suðurnesjastúlkum.
