Gólfið í A-sal rifið upp

Þessa dagana er unnið á fullu við að rífa upp gamla og úrelta gólfdúkinn í A-sal íþróttahússins við Sunnubraut. Það eru Nesprýði og Sögun ehf. sem sjá um verkið og voru menn frá þessum fyrirtækjum að vinna við það á fullu þegar ljósmyndari Víkurfrétta kom á svæðið og smellti myndum af framkvæmdunum.Gólfið var komið til ára sinna og vegna mikilla álagsmeiðsla íþróttamanna í Keflavík var ákveðið að hrinda í framkvæmd lagningu parkets. Körfuknattleiksmenn úr Keflavík munu æfa í Njarðvík á meðan á framkvæmdunum stendur.