Góður útisigur hjá Grindvíkingum
Komnir úr fallsæti
Grindvíkingar gerðu góða ferð norður á Akureyri, þar sem þeir báru sigurorð af KA-mönnum í 1. deild karla í knattspyrnu. Niðurstaða leiksins 1-2 en leikurinn einkenndist af mikilli baráttu.
Grindvíkingar náðu forystu með marki frá Magnúsi Björgvinssyni undir lok fyrri hálfleiks. Heimamenn jöfnuðu metin í upphafi seinni hálfleiks, en þar var að verki fyrrum leikmaður Grindavíkur, Jóhann Helgason. Það var svo 20 mínútum fyrir leikslok á Grindvíkingar tryggðu sér sigurinn en þá skoraði miðjumaðurinn Alex Freyr Hilmarsson. Með sigrinum komu Grindvíkingar sér úr fallsæti, en þeir sitja núna í 10. sæti með átta stig.
