Góður útisigur gegn ÍR

Keflavík mætti ÍR í Landsbankadeild kvenna í knattspyrnu í gærkvöldi og höfðu Keflvíkingar 3-0 útisigur í leiknum. Leikurinn fór fram á ÍR-velli í Reykjavík og með sigrinum náð Keflvíkingar tveggja stiga forskoti á Breiðablik. Keflavík er í 3. sæti deildarinnar með 21 stig en Blikar hafa 19 stig í 4. sætinu.

 

Una Harkin kom Keflavík í 1-0 en Danka Padovac jók muninn í 2-0. Það var svo Inga Lára Jónsdóttir sem gerði endanlega út um leikinn er hún gerði þriðja og síðasta mark Keflavíkur í leiknum.

 

Næsti leikur Keflavíkur í Landsbankadeild kvenna er á laugardag kl. 14:00 þegar Íslandsmeistarar Vals koma í heimsókn.

 

Staðan í deildinni