Góður sigur hjá Grindvíkingum
Skelltu KR á útivelli í fyrsta leik
Grindvíkingar byrjuðu sumarið af krafti í 1. deild kvenna en þær gerðu sér lítið fyrir og sigruðu KR-inga á heimavelli þeirra röndóttu, 3-4.
Grindvíkingar komust í 0-2 með mörkum frá Söru Hrund Helgadóttur og Ingibjörgu Yrsu Ellertsdóttur. KR náði svo að minnka muninn áður en Anna Þórunn Guðmundsdóttir kom Grindavík í 1-3. Þannig stóðu leikar í hálfleik.
Anna Þórunn var aftur á ferðinni þegar hún jók forystu Grindvíkinga í 1-4 en KR-ingar játuðu sig ekki sigraða. Þær minnkuðu muninn í 3-4 og sóttu svo af miklum þunga allt til leiksloka. Grindvíkingar náðu þó að halda fengnum hlut og lönduðu sigri.
