GG upp um deild

Sveitakeppni 3. deildar í golfi fór fram á Grænanesvelli á Norðfirði um sl. helgi og meðal þátttakenda var sveit Golfklúbbs Grindavíkur sem gerði sér lítið fyrir og tryggði sér sæti í 2. deild eftir glæsilega frammistöðu.

GG liðar sem voru í B riðli, sigruðu alla sína andstæðinga og tryggðu sér þar með sæti í undanúrslitum um sæti í 2. deild. Sveit GG lék m.a. gegn Akureyringum sem hafa á að skipa sterkum eintaklingum, Hvergerðingum með einn efnilegasta kylfing landsins um þessar mundir og Mostra sem þeir unnu sannfærandi.

Í undanúrslitum léku GG gegn Ísfirðingum og náðu að knýja fram 2-1 sigur eftir mikla baráttu.

Úrslitaleikurinn var gegn Golfklúbbi Akureyrar og þar höfðu Norðamenn sigur 2-1 í hörku rimmu.

Sveit GG:
Davíð Arthur Friðriksson
Kristinn Sörensen
Ingvar Guðjónsson
Helgi Dan Steinsson
Hávarður Gunnarsson