GAIS með góðan sigur

Jóhann Guðmundsson og félagar hans í sænska liðinu GAIS eru komnir á fullt að nýju eftir sumarfrí. GAIS hafði góðan 2-0 sigur á Häcken fyrir skemmstu þar sem Jóhann misnotaði dauðafæri, fyrir vikið hefur hann þurft að þola smá stríðni ytra en þrjú stig komu í hús og það skiptir öllu máli fyrir GAIS sem er í neðri hluta deildarinnar.

Jóhann meiddist skömmu fyrir sumarfríið og hefur verið í strangri endurhæfingu og er að komast á rétt ról um þessar mundir. Jóhann átti góðan leik gegn Häcken þar sem hann var í byrjunarliðinu og lék í 60 mínútur.

Næsti leikur GAIS er heimaleikur gegn Häcken á morgun, miðvikudag.