Fyrsti úrslitaleikurinn í kvöld

Baráttan um Íslandsmeistaratitilinn í Iceland Express deild karla í körfuknattleik hefst í kvöld með fyrsta leik Íslandsmeistara Njarðvíkur og KR. Leikurinn hefst kl. 20:00 og verður í beinni útsendingu hjá SÝN.

 

Njarðvíkingar hafa heimavallarréttinn þar sem þeir urðu deildarmeistarar en þrjá sigra þarf til að verða Íslandsmeistari.

 

Liðinn unnu sinn hvorn deildarleikinn í vetur, báðir heimasigrar. Njarðvíkingar lögðu Hamars/Selfoss og Grindavík á leið sinni í úrslitin en KR-ingar fóru í gegnum ÍR og Snæfell.

 

VF-mynd/ jbo@vf.is – Friðrik fér fram hjá Fannari í leik liðanna í Ljónagryfjunni fyrr á þessu ári. Landsliðsmiðherjarnir eiga vafalaust eftir að berjast af miklum eldmóð í seríunni.