Fyrsti sigur Grindvíkinga í markaleik

Grindavík sigraði sinn fyrsta leik í 1. deild kvenna í knattspyrnu þegar þær tóku á móti Völsungi á laugardag.

Fram að leiknum  hafði Grindavíkurliðið tapað tveimur fyrstu leikjunum og því kominn tími á að landa fyrstu stigunum. Það gerðu þær með stæl í miklum markaleik, 5-4.

Margrét Albertsdóttir skoraði fyrstu þrjú mörk Grindavíkur og Þórkatla Sif Albertsdóttir og Ingibjörg Yrsa Ellertsdóttir bættu við mörkum áður en flautað var til leiksloka.

Grindavík spilar í B riðli Íslandsmótsins og er næsti leikur gegn HK/Víking næstkomandi miðvikudag.