Fyrsti heimaleikur Keflvíkinga í kvöld - Stjarnan í heimsókn

Í kvöld verður leikið í Pepsi-deild karla í knattspyrnu er þrír leikir fara fram. Keflvíkingar leika fyrsta heimaleik sinn í sumar er Stjörnumenn koma í heimsókn en báðir leikir Keflvíkinga til þessa hafa farið fram á útivelli.

Úr þessum tveim útileikjum hafa komið 4 stig í hús og verður forvitnilegt að sjá hvað Keflvíkingar gera í kvöld á heimavelli gegn Stjörnunni.

Leikurinn hefst klukkan 19:15 en klukkan 18:00 ætla Keflvíkingar að hita upp og grilla hamborgara fyrir stuðningsmenn.

Mynd: Keflvíkingar unnu glæsilegan sigur á grönnum sínum í síðustu umferð en takast á við sterkt lið Stjörnunnar í kvöld.