Fyrsta umferð Lengjubikarsins

Kvennalið Keflavíkur vann Selfoss 8:2 í Reykjaneshöllinni á laugardag.

Með liðinu spilaði Elín Helena Karlsdóttir sinn fyrsta leik með Keflavík en hún hefur verið fengið að láni frá Breiðablik fyrir komandi tímabil.

Mörk Keflvíkinga skoruðu þær Eva Lind Daníelsdóttir (13’, 29’), Marín Rún Guðmundsdóttir (30’), Dröfn Einarsdóttir (42’) og Natasha Anasi (53’). Selfyssingar voru skeinuhættir í teignum, sínum eigin teig, og skoruðu þrjú sjálfsmörk.

Næst leika stelpurnar gegn Val þann 1. mars á Origo-vellinum.

---

Karlalið Keflavíkur lék gegn Gróttu og fóru leikar 3:3. Keflavík leikur í riðli 2 í A deild.

Rúnar Þór Sigurgeirsson kom Keflavík yfir á 16. mínútu en Grótta svaraði með þremur mörkum áður en blásið var til hálfleiks. Rúnar Þór bætti öðru marki sínu við í seinni hálfleik (59') og Kian Williams tryggði jafntefli í uppbótartíma (90’+3).

Næsti leikur hjá Keflavík verður gegn Vestra í Reykjaneshöllinni næsta laugardag kl. 12:00.

---

Karlalið Grindavíkur tapaði fyrir HK 2:0 í A deild, riðli 1.

Næsti leikur þeirra verður gegn Val á Origo-vellinum næsta föstudag klukkan 19:00.

---

Reynir Sandgerði mætir Haukum á Ásvöllum á föstudaginn klukkan 18:30 í B deild, riðli 2.

Klukkan 16:00 á laugardag mæta Víðismenn KFC á Samsung-vellinum í B deild, riðli 2.

Þróttur Vogum hefur leik í B deild næsta laugardag þegar liðið mætir Elliða á Fylkisvellinum, leikurinn hefst klukkan 14:00.