Fyrsta jafntefli Keflavíkurkvenna

Keflavík og Fjölnir gerðu 1-1 jafntefli í Landsbankadeild kvenna í knattspyrnu í gærkvöldi. Þetta var fyrsta jafntefli Keflavíkur í deildinni í sumar. Vesna Smiljkovic gerði mark Keflavíkur á 65. mínútu en Fjölnir jafnaði metin á 72. mínútu leiksins og þar við sat.

 

Með sigri hefðu Keflavíkurkonur getað minnkað bilið milli sín og Breiðabliks niður í eitt stig en Fjölniskonur og höfðu vel fyrir stigi sínu og í raun má segja að Keflavíkurkonur hafi verið heppnar að sleppa með jafntefli.

 

Fjölnir fékk vítaspyrnu þegar um 10 mínútur voru til leiksloka en gestirnir skutu í slá í vítaspyrnunni og Keflavík náði að bægja hættunni frá.

 

Að lokinni umferð gærkvöldsins er Keflavík enn í 4. sæti og nú með 22 stig en Fjölnir hefur 13 stig í 6. sæti deildarinnar.

 

VF-mynd/ [email protected]