Fyrsta FIFA verkefni Magnúsar lokið
Knattspyrnudómarinn Magnús Þórisson, sem dæmir fyrir Keflavík, varð fyrir skemmstu fjórði FIFA dómari Íslendinga og nú þegar hefur hann lokið sínu fyrsta verkefni á vegum sambandsins þar sem hann dæmdi á móti í Þýskalandi.
Mótið var fyrir U-17 ára karlalandslið í knattspyrnu þar sem heimamenn frá Þýskalandi höfðu sigur í riðlinum. Með Þjóðverjum í riðlinum voru
Magnús var svo varadómari í lokaleik riðilsins þar sem Þjóðverjar mættu Írum og höfðu heimamenn betur frammi fyrir um 10 þúsund manns. Þjóðverjar komust upp úr riðlinum og leika þeir í úrslitum í Belgíu í maí þar sem íslenska U 17 ára landsliðið mun einnig leika.
Fyrir liggja hjá Magnúsi ýmis FIFA verkefni í sumar en nokkuð öruggt er að hann dæmi í InterToto keppninni þar sem Keflavík mun taka þátt.
Ítarlegt viðtal er að finna við Magnús í TVF sem kemur út í dag en þar ræðir hann m.a. um FIFA prófin og veru sína í Róm á meðal fremstu knattspyrnudómara heims.
VF-mynd/ Magnús Þórisson ásamt besta knattspyrnudómara heims, Pierluigi Collina.
