Fyrrum Keflvíkingar sáu um Grindavík
Grindvíkingar töpuðu gegn KR í bikarnum
Grindvíkingar áttu ekki erindi sem erfiði þegar þeir sóttu KR-inga heim í 32 liða úrslitum bikarkeppni karla í fótbolta. Grindvíkingar máttu sætta sig við 3-1 tap en KR-ingar komust yfir eftir um hálftíma leik. Jósef Kristinn Jósefsson jafnaði fyrir Grindvíkinga þegar klukkutími var liðinn af leiknum en það voru svo fyrrum leikmenn Keflavíkur, þeir Jónas Guðni Sævarsson og Baldur Sigurðsson sem skorðuðu tvö mörk fyrir KR-inga skömmu síðar.
