Frítt inn á leik Keflavíkur og FH í Pepsi-deildinni í Keflavík í kvöld

„Við ætlum að bjóða uppá fríar pyslur og hamborgara fyrir leik og mynda góða stemningu á pöllunum. Allir sem koma merktir Keflavík á völlinn fá frítt inn. Vera í treyjum, með húfur eða trefla merkta liðinu og þið fáið frían miða fyrir ykkur og alla fjölskylduna,“ segir í frétt frá stuðningsmönnum Pepsi-deildarliðs Keflavíkur en liðið mætir stórliði FH kl. 19.15 á Nettó-vellinum í kvöld.

„Fjörið byrjar á vellinum klukkutíma fyrir leik eða kl. 18.00. Pylsur, hamborgarar, gos, klöppur, fánar og stemning sem stuðningsmannasveit Keflavíkur sér um. Nú hoppum við öll um borð og hrópum. ÁFRAM KEFLAVÍK þar til við höfum ná í stigin sem liðið þarfnast. Okkar framlag getur ráðið úrslitum“, segir ennfremur í tilkynningu frá stuðningsmönnum Keflavíkur.