Frans framlengir hjá Keflavík
Knattspyrnumaðurinn Frans Elvarsson hefur framlengt samning sinn við Keflavík um eitt ár og gildir núverandi samningur hans því til ársloka 2014.
Frans er 22 ára gamall miðjumaður sem kom til Keflvíkinga frá Njarðvík árið 2011 en Frans er uppalinn hjá Sindra frá Hornafirði. Frans vann sér fast sæti í Keflavíkurliðinu síðasta sumar en hann hefur leikið 26 leiki fyrir félagið í efstu deild og skorað fjögur mörk á þeim tíma.
