Frábært að enda tímabilið á bikartitli

„Tilfinningin var frábær. Tímabilið hefur verið frábært og gaman að enda það með svona flottum titli,“ segir Keflvíkingurinn Samúel Kári Friðjónsson en hann varð bikarmeistari með norska liðinu Viking eftir sigur á Haugasundu á Ullevaal, þjóðarleikvangi Norðmanna á sunnudagskvöld.

Samúel hefur verið fastamaður í liði Viking frá Stafangri í deildinni en byrjaði á varamannabekknum í leiknum og kom inn á sem varamaður á 75. mínútu.

Aðeins eitt mark var skorað í leiknum. Zlatko Tripic skoraði úr vítaspyrnu. Þetta var sjötti bikartitill norsku Víkinganna.

„Við vorum sterkari fra fyrstu minútu þannig maður fann það svona a sér að við myndum taka þetta. Stemmningin var ótrúleg og þrjátíu þúsund manns á vellinum og frábær stuðningur sem við fengum,“ sagði keflvíski landsliðsmaðurinn sem lék sinn fyrsta landsleik gegn Moldóvu í undankeppni stórmóts í síðasta mánuði.Luleå sem er í topp­sæt­inu, en Elv­ar og fé­lag­ar eiga leik til góða á toppliðið.