Langbest þakkargj
Langbest þakkargj

Íþróttir

Frábær árangur Njarðvíkinga á Norðurlandamótinu í júdó
Miðvikudagur 25. maí 2016 kl. 10:00

Frábær árangur Njarðvíkinga á Norðurlandamótinu í júdó

Um helgina fór fram Norðurlandameistaramótið í Júdó. Njarðvíkingarnir Bjarni Darri Sigfússon, Ægir Már Baldvinsson og Heiðrún Pálsdóttir voru valin í hópinn sem átti að keppa á mótinu en aðeins Bjarni og Ægir kepptu því Heiðrún handleggsbrotnaði á Íslandsmótinu fyrir nokkrum vikum og þurfti því að sitja heima.

Þeir Bjarni og Ægir stóðu sig mjög vel, Bjarni hafnaði í fjórða sæti og Ægir í því áttunda. Bjarni byrjaði keppni á laugardagsmorgninum í flokki yngri en 18 ára.  Í fyrstu viðureing stjórnaði hann allan tíman og endaði með að þvinga andsæðing sinn til uppgjafar með svokölluðu boga og örva hengingu. Bjarni sigraði svo aðra viðureing á sama uppgjafartaki. Sigurganga Bjarna hélt svo áfram í þriðju glímu þar sem hann náði armlás á andstæðing sinn. Þegar þarna kom við sögu var hann kominn í undanúrslit. Í fjórðu viðureign meiddist Bjarni en fram að því hafði viðureignin verið nokkuð jöfn. Hann tapaði þeirri viðureign á fastataki. Hann ákvað að berjast „einhentur“ um þriðja sætið. Sú viðureign fór þannig að Bjarni tapaði og þurfti í kjölfarið að draga sig úr keppni í næsta aldursflokki.

Nýsprautun vetrardekk
Nýsprautun vetrardekk

Fyrsta viðureign Ægis í flokki 18 ára og yngri var mjög erfið, viðureignin var löng en Ægir þurfti að játa sig sigraðan í lok viðureignarinnar.  Þar með var þáttöku hans í þessum flokki lokið.  En Ægir var einnig skráður í flokk 21 árs og yngri þar tapaði hann fyrstu viðureing en fékk tækifæri á annari viðureign í sextán liða úrslitum.  Í þeirri viðureign kastaði hann andstæðing sínum á frábæru ippon axlarkasti. Þar með var hann kominn í átta manna úrslit en tapaði viðureigninni um sætið í undanúrslitum. Þetta keppnistímabil hefur verið með ólíkindum hjá Njarðvíkingum og þessi árangur einn sá besti sem hefur náðst að sögn Guðmundar Stefáns Gunnarssonar þjálfar hjá Njarðvíkingum.

HSS bólusetning 1100
HSS bólusetning 1100