Flottur árangur á Heimsmeistaramóti í CrossFit
Tveir Suðurnesjamenn tóku þátt
Um helgina fór fram Heimsmeistaramótið í CrossFit í Los Angeles í Bandaríkjunum. Þar áttu Suðurnesjamenn sína fulltrúa í liðakeppninni en þau Sigurlaug Rúna Guðmundsdóttir og Daníel Þórðarson eru meðlimir í Team Thor þar sem Sigurlaug keppir en Daníel þjálfar.
Lið þeirra Sigurlaugar og Daníels náði flottum árangri og endaði Team Thor í 17. sæti af 43 liðum.
Sigurlaug segir að liðið hafi gefið allt í mótið, blóð, svita og tár. Hún segist hrikalega sátt með 17. sætið en hitt íslenska liðið sem tók þátt hafnaði í 19. sæti.
