Fjórði tapleikur Njarðvíkinga í röð
1-0 fyrir KF
Njarðvíkingar töpuðu fyrir KF á Ólafsfjarðarvelli á laugardag með einu marki gegn engu í 2. deild karla. Þetta var fjórði tapleikur Njarðvíkinga í röð en fyrsti sigur Norðanmanna í sumar. Heimamenn náðu forystunni á 15. mínútu þegar Njarðvíkingar skoruðu sjálfsmark. Á 39. mínútu fékk leikmaður KF rauða spjaldið fyrir að slá leikmann Njarðvíkur.
Á vef UMFN segir að seinni hálfleikur hafi verið nánast ein sóknarlota Njarðvíkinga og því rólegt hjá markverði þeirra. Nánar má lesa um leikinn á vef UMFN.
Næsti leikur Njarðvíkinga í 2. deild verður á heimavelli næsta laugardag og þá gegn Vestra.
