Fjölskylduhátíð í Grindavík

Grindvíkingar taka á móti Fylki í Landsbankadeild karla í kvöld kl. 19:15 á Grindavíkurvelli. Grindvíkingar eru í 6. sæti deildarinnar með 13 stig en Fylkismenn eru í 3. sæti með 16 stig.

Árbæingar höfðu betur, 2-1, í fyrri viðureign liðanna í deildinni í sumar og var lengi vel rætt um þann leik sem Árbæjarránið þegar dómari leiksins gaf Fylki glórulausa vítaspyrnu og Fylkismenn jöfnuðu þá metin 1-1 og gerðu út um leikinn á lokasekúndunum eftir mark frá Christian Christiansen.

Leikurinn verður vafalaust spennandi í kvöld en fjörið hefst kl. 17:30 með fjölskylduhátíð Landsbankans og Knattspyrnudeildar Grindavíkur. Allir eru velkomnir í fjölskylduhátíðina þar sem grillaðar verða pylsur og Bárður og Birta munu bregða á leik.

Dagskrá fjölskylduhátíðarinnar í Grindavík í dag:

17:30

Grill-vagninn: Pylsur fyrir alla.

Svali og súkkulaði.

Hoppukastali fyrir börnin

Andlitsmálning fyrir krakka

18:15

Sproti fer á stjá og skemmtir sér og öðrum

18:30

Birta og Bárður stíga á svið

19:00

Fólk gerir sig klárt fyrir leikinn