Fiskiréttahlaðborð UMFN

Fiskiréttarhlaðborð Knattspyrnudeildar Njarðvíkur verður haldið í Golfskálanum í Leiru, föstudaginn 30. maí n.k. og hefst kl. 20:00. Vinsældir fiskihlaðborðsins hafa aukist með hverju ári. Um 200 manns sóttu veisluna í Stapa s.l. ár en nú verða aðeins um 100 miðar í boði þetta árið og því um að gera að hafa hraðann á.

 

Þeir sem til þekkja vita að fiskihlaðborðið er eitthvað sem menn vilja ekki missa af. Auk fiskmetis verður boðið uppá létta skemmtun og happdrætti. Áætlað er að formlegri dagskrá ljúki um kl. 23:30. Miðaverð er kr. 4000 pr. mann. Hægt er að panta miða á skrifstofu deildarinnar eða í síma 421-1160 / 862-6905.