Feðgar stjórna dómaranámskeiði í Reykjanesbæ

KKÍ stendur fyrir dómaranámskeiði í Reykjanesbæ helgina 20.-21. febrúar. Kennarar á námskeiðinu verða feðgarnir úr Keflavík þeir Kristinn Óskarsson og Ísak Ernir Kristinsson.

Athygli er vakin á að þetta námskeið verður ekki í fjarnámi, heldur er hér um að ræða námskeið af gamla skólanum, þar sem bóklegi hlutinn fer fram í kennslustofu. Verklegi hlutinn verður eftir sem áður í íþróttasal. Nánari stað- og tímasetningar verða birtar þegar nær dregur.

Síðasti skráningardagur er 19. febrúar. Námskeiðið stendur öllum til boða og mun kosta 5.000,- kr.
Skráning er á [email protected] og þarf að taka fram nafn, kennitölu, símanúmer, heimilisfang, netfang og félag.