Fannar til Ulm

Miðherjinn Fannar Ólafsson, sem var einn af lykilmönnunum í Íslandsmeistaraliði Keflavíkur á síðustu leiktíð, hefur sagt skilið við gríska liðið Ase Doukas sem hann gekk til liðs við í haust. Hann hefur söðlað um og gengið til liðs við þýska 2. deildarliðið Ulm sem Logi Gunnarsson, Njarðvíkingur og góðvinur Fannars lék með á sínum tíma.
Samkvæmt umfjöllun Fréttablaðsins hafði Fannar átt í útistöðum við Doukas um efndir á samningum og fékk sig því lausan.