Fánadagur Þróttar haldinn hátíðlegur í gær
Þróttarar unnu Stál-Úlf 5-3 í tilefni dagsins
Í gær héldu Þróttarar í Vogum uppá fánadag félagsins. Félagsmenn gerðu sér glaðann dag saman þar sem grillaðar voru pylsur og Þróttaravarningur var seldur til styrktar yngriflokka starfsemi félagsins.
Þróttarar mættu - Stál-úlfi í 4. deildinni seinna um kvöldið og börn úr yngriflokkastarfi félagsins leiddu leikmenn inná völlinn fyrir leik. Einnig var 5. flokkur félagsins heiðraður fyrir sigur í N1 mótinu á Akureyri. Fjölmenni var á hátíðinni en þetta var í þriðja skipti sem Þróttarar halda uppá fánadag félagsins.
Þróttarar unnu leikinn 5-3 í skemmtilegum leik og halda því áfram marseringu sinni í átt að sæti í 3. deild karla að ári.
