Fá nýja Toyotabíla í eitt ár

Fulltrúar fjögurra íþróttafélaga og Ljósanætur fengu í vikunni afhentar nýjar Toyota Corolla bifreiðar til afnota í eitt ár. Um er að ræða styrk sem Toyota Reykjanesbæ veitir félögunum og er heildarvirði samningsins 5,5 milljónir króna.

Félögin sem fá styrkinn að þessu sinni eru ÍBK, UMFG, UMFN, Golfklúbbur Suðurnesja og Ljósanótt.

Bílarnir eru sérmerktir og segir Ævar Ingólfsson, eigandi Toyota Reykjanesbæ, að hér sé verið að fara nýjar leiðir í gagnkvæmum auglýsingasamningum við íþróttafélögin en slíkir samningar hafa hingað til mest verið fólgnir í auglýsingaskiltum á íþróttavöllum og merkingum á íþróttabúninga.

Stefnt að því að öll íþróttafélögin á svæðinu fái bíla til afnota í framtíðinni en samið verður við 4-5 íþróttafélög hverju sinni til eins árs í senn.

Mynd: Frá afhendingu bílanna nú um miðja vikuna. VF-mynd: elg